ఒక చిన్న మాట - 22
(Back with Word )

బాధ వచ్చినా , ఆనందం వచ్చినా
మన కళ్లు చెమర్చుతాయి
పక్కనోడు బాదపడితే
ఓర్వలేని హృదయం మనది
మానవత్వంతో నిండిన ప్రతీ మనసు
జాలి తత్వాన్ని చూపెడుతుంది
ఎదుటివారి కష్టం చూస్తే
మన గుండె చెరువవుతుంది
మన ఇంట్లో సంతోషాన్ని అందరితో పంచే మనం
ఎడా -పెడా మనే బంధుత్వాలు మధ్య
బండరాయిలా మిగిలున్నాం ఎందుకు ?
నీకు కొంచెం కస్టమనిపించినా తట్టుకోలేవు
ఏదో చిన్న ఆప్యాయత - ఆదరణ కావాలంటావు
నీ బంధువులలో ఎవరికైనా కష్టమొస్తే
చుట్టపుచూపు కూడా చూడలేకపోతున్నావు
కనీసం పలకరించే సాహసాన్ని చూపకున్నావు
మనకు బరువులు -బాధ్యతలు ఎన్నున్నా
మన బంధాలను నిర్లక్ష్యం చేయకూడదు సుమీ !

హాయ్ అందరికీ శుభ వందనాలు

నేను మొట్టమొదటిసారిగా ఒక కధ రాసాను అందులో అది నిజ సంఘటనలను ఆధారం చేసుకుని రాసాను ఆ కథ ప్రతిలిపి లో కధల పోటీలకి స్వీకరించబడింది .నేనేమి పెద్ద పేరు బడ్డ కదా రచయిత ను కాదు . నేను అనుకున్న శైలిలో రాసాను చాలా మందికి ఆ లింక్ పంపి నా హర్షం వ్యక్తం చేసుకున్నాను . వారి వారి స్పందనల బట్టి ఆ కధ ఆ 

ఒక చిన్న మాట 21 :

(తిరుపతి ప్రసాదం)

ఎన్ని దేవుళ్ల ప్రసాదాలు ఉన్నా గాని ''తిరుమల-తిరుపతి -వేంకటేశుని '' దివ్య ప్రసాదం యొక్క రుచి ,వాసన ఆ యొక్క అనుభూతి నే వేరు . ఎంత తిన్నా కాని ఇంకా తినాలని అట్టే మనల్ని కట్టి పడేస్తుంది . అలాగే ఆ దివ్య ప్రసాదాన్ని అందరికీ పంచుతున్నప్పుడు కూడా ,తీసుకునే వారిలో కాని ,ఇచ్చేవారిలో కాని ఒక భక్తి భావం హృదయంలో నిలుస్తుంది . అటుమంటిదే నేనూ ఆ ప్రసాదాన్ని పంచుతున్నప్పుడు కొంతమంది తమ భక్తి భావంతో చెప్పులు విడిచి ,నుంచొని , కళ్లకు హద్దుకుని మరీ తీసుకుంటే వారు ఆ ప్రసాదాన్ని ఎంత పవిత్రంగా చూస్తున్నారో వారి కళ్లలో కనపడింది . అలా వారు తీసుకుంటుంటే ఇంకా ఇంకా ఆ ప్రసాదాన్ని పంచాలనే భావన కల్గుతుంది . ఈ ప్రసాదం పొందిన వారిని ఆ తిరుమలేశుడు వారికి శుబాన్ని కలుగ చేయాలనీ కోరుతున్నాను ....

ఒక చిన్న మాట  20 :-


చాలా రోజుల తర్వాత మరల ఈ ''ఒక చిన్న మాట '' తో చెప్తున్నాను 
ఒకరు వారి కళ్ల ముందు కాస్త ఎదుగు తుంటేనో ,పేరు కొంచెం వస్తుంటేనో తట్టుకోలేరు 
అందరిముందూ నవ్వుతూ మాట్లాడుతూ ,మనం లేనప్పుడు మన గురించి మరొకరి దగ్గర చెడుగా మాట్లాడే వాళ్లే తయారవుతున్న రోజులివి . ఒకరి దగ్గర వారు గొప్పగా పేరు తెచ్చుకోవాలి ,ఆ వ్యక్తి మనకే సొంతమవ్వాలి ,మన మాటే వినాలి మనకి నచ్చని వాళ్ళు అయ్యినా సరే ,నచ్చిన వాళ్ళు అయినా సరే మనం అనుకున్న వ్యక్తితో నేరుగా వారు గొప్ప అనిపించుకోకూడదు . అందుకోసం వారు వారు అనుకున్న వ్యక్తి దగ్గర వీరి ప్రస్తావన తేనే తేరు ... ఏంటో ఈ దుర్బుద్ధి మనం మంచిగా సంతోషంగా ఉండాలి అలానే మనతోటి వారు మనకన్నా మంచిగా సంతోషంగా ఉండాలి అనే ఆలోచన ఉండనే ఉండదా ఏమీ ? చిన్నప్పుడు మనం ప్రతిజ్ఞ చేసే వాళ్ళం కదా మరి అది ప్రతిరోజూ చదివిన మనకు పక్క వారి మనసులను ఎందుకు చదవలేకపోతున్నాం ? ఇది ఏదో నా గురించి , నాకు జరిగిన లేదా చూసిన సంఘటన నుంచి చెప్పటం లేదు .... ఉదాహరణగా చూస్తే ఇలాంటివి కోకొల్లలు కొంతమంది చెప్పుకుంటారు ,మరికొంతమంది చెప్పుకోలేరు 
ఒకర్ని పొగడాలంటే నాలుక రాదు ,తిట్టాలంటే మాత్రం సమయం చాలదు . తమ గొప్పలు తమకే మోజు  అందరిలో వారే ఏదో పై చెయ్యి లా ,అందరి చేత వారెప్పుడు కీర్తించబడేలా ఉండాలి అనుకుంటారు దానికోసం ఎటువంటి విలువలు పట్టించుకోరు 
మనం మనలానే ఉండాలి అనే తీరు ఉండదు అందరికీ వాళ్ళు చేసారు మనం చెయ్యాలి ,వాళ్ళు గెలిచారు మనమూ గెలవాలి అంతే తప్ప వాళ్లతో మనకెందుకు మనకంటూ అవకాశం వచ్చినప్పుడు చూసుకుందాం లేదా ఒక స్పూర్తితో ముందుకు పోదాం అనేదే ఉండదు . ఏంటో ఈ మనషుల మనసులు చూస్తుంటే మనకి మనమే అర్ధం కాము కొన్నాళ్ళకి 

ఒక చిన్న మాట (19) :

అన్నీ కల్తీలు జరుగుతున్నరోజులివి .మనకు ఇంట్లో అవసరమైన కాయగూరల నుంచి సరుకుల వరకు ప్రతీది కల్తీ జరుగుతూనే ఉంది . మనకు తెలియక కొన్నింటికి మనం కొంటూనే ఉంటాము కారణం బిజీ లైఫ్ లో అంట టైం మనకు లేకపోవటం ,ప్రతీ పని చాలా తేలికగా ,కష్ట పడకుండా జరిగిపోవాలని కోరుకోవటం ,మరి కొన్ని మనకు తెలియకుండానే అలా అలవాటుపడిపోతుంటాం . కూరగాలయితే చూసి చూసి మరీ అది ముదురా , కాదా అని తెల్చుకోగలం , సరుకులలో కొన్ని కొన్ని తెలుసుకోగలం ...ఈ మద్య ఫ్రూట్స్ అయితే చూస్తానికి బాగా నిగ నిగ లాడుతూ ఉంటాయి మేడి పండు చూసినట్టు ,సరిగ్గా పరిశీలిస్తే కొన్ని ఫ్రూట్స్ కి 

ఒక చిన్న మాట 18  (07 ఆగస్టు 15)
*** తొందరపాటు తనం *****

మనలో చాలా మందికి ఇది ఉంటుంది . ఒక మాటలో చెప్పాలంటే కంగారు , మరో విధంగా అయితే స్పీడ్ , ఇంకొక విదంగా అయితే అమాయకత్వం అన్నీ కలిస్తేనే ఈ తొందరపాటు తనం . మనకు ఒక విషయం గురించి పూర్తిగా తెలిస్తే కాని మరొకరి విషయంలో జోక్యం చేసుకోకూడదు . కొంతమంది వారికి ఏమీ తెలియక పోయినా , కొంచెం తెలిసినా మరొకరి విషయంలో కాని ., వారు చేసే పనిలో కాని చొరవ చేసుకుని వారి అతి ఏమిటో చూపిస్తూ ఉంటారు . కొంతమంది అయితే వారికేమీ తెలియకపోయినా ,అది ఏమిటో తెలుసుకోవాలనే ఉత్సాహంతో ఎదురుగా ఉన్నవారితో కాని , చేయబోవు పనిలో కాని చొరవ చూపించి ,ఆ తర్వాత అది బెడిసి కొట్టి ,నాలుక కరచుకుంటారు . అన్నీ తెలిసినా అనుకోకుండా టైం బాగోకో , చిన్నా ,పెద్దా పొరపాటులో ఇరుక్కునే వాళ్ళు లేకపోలేదు . ఇలాంటి సంగటనలు ప్రతి ఒకరి జీవితంలో ఎప్పుడో ఒకప్పుడు చెరగని మచ్చలా ,ఉండిపోతాయి కూడా . ఈ అన్ని తల మాసిన పనులకి కారణం తొందరపాటుతనం . ఆ తొందరపాటుతో జరిగిన తప్పిదాన్ని సరి చేసుకోగలిగేవి కొన్ని , జరిగిన తప్పుకు పచ్చాత్తాపం తప్ప ఏమీ చేయలేక నిస్సహాయంగా నిలిపేవి కొన్ని . అందుకే మిత్రాస్ ,తొందర పడి పది మందిలో చెడ్డ పేరు తెచ్చుకోవద్దు , మన తొందర పాటు తనంతో మరొకరి మనస్సును గాయపరచవద్దు . ఏదైనా ఒక పని ప్రారంబించేముందో , ఒకరి విషయంలో చొరవ తీసుకునే ముందు కాస్త మీకు మీరు ఆలోచించుకోండి . మనకు బాగా నైపుణ్యం ఉన్నప్పుడే మరొకరి పనులకు సహాయం చేయాలనీ చూడండి లేదా కాస్త ఓపికతో నిలవండి . 

ఒక చిన్న మాట 17 : (05 ఆగస్టు 15)

కాలం మారుతున్న కొద్ది పెద్దవాళ్ళంటే చిన్న వాళ్ళకి అమర్యాద ,హేళన ,చులకన భావం పెరుగుతూ వస్తున్నాయి . ఒక్క సారి ఆలోచించండి వారు మనం ఈ స్థితికి రావటం కోసం ,ఎంత శ్రమ ఉంటారో ,ఎన్ని ఇబ్బందులను ఓర్చుకుని ఉంటారో !  వాళ్ళకి ఆ ఇబ్బందులు ,ఒడి దుడుకులు పెద్ద కష్టమేమీ కాదు , అవి వారిని భాదించలేదు కూడా కారణం వారు పడే ప్రతి చిన్న కష్టం , శ్రమ మన సుఖం సంతోషాల కోసమే . వాళ్ళ ఆనందాన్ని మనలో చూసుకుని మురిసిపోతుంటారు అది మన తల్లి దండ్రులు అయినా . తాతా నాయనమ్మలు , పిన్ని బాబాయిలు , పెద్దమ్మ ,పెద్దనాన్న లైనా , అత్తమ్మ్ -మావయ్యలు అయినా ప్రతీ వారితోటి మనకున్నది బంధం ,అను భందాలే తప్ప అవసరాలు కాదు . అవసరం ఉన్నంత వరకు ఒక లాగా , అవసరం లేకపోతె మరోలాగా మన చుట్టాలతోటో , మన సన్నిహితుల తోటో , మన మంచి కోరుకునే వాళ్ళ తోటో  అది ఎవరితోటి అయిన మనం దేశం ,మన కుటుంభం నుంచి నేర్చుకున్న సంస్కారాన్ని దురహంకారం తోటి దూరం చేసుకోకూడదు . పెద్ద వాళ్ళు అంటే మన వాళ్ళు అయినా ,పరాయి వాళ్ళు అయినా మన దగ్గర ఉన్నంత సేపు మనం గౌరవంగా , మర్యాదగా నడుచుకోవాలి . పెద్దవాళ్ళు పెద్దరికం గానే మాట్లాడుతారు , మనకు హితం చెప్పటానికే చూస్తారు అంతమాత్రం చేత వాళ్లతో మనం చెప్పిచ్చుకునేది ఏంటి అనో , మనకూ అన్నీ తెలుసనో పట్టింపు లేనట్టు ప్రవర్తించ కూడదు . మనకు ఎంత తెలిసినా ,ఎంత ఎదిగినా మనం వాళ్ళకన్నా తక్కువే , మనం వాళ్ళ ముందు చిన్నవాళ్ళమే . అందుకే అంటారు పెద్దలు చెప్పే మాట సద్దన్నం మూట అని కాబట్టి పెద్దలను గౌరవించండి . వారిని ఆరాదించడి