ఒక చిన్న మాట 14 :

చాలా మంది చిన్న చిన్న వ్యాపారులు ,తమ తమ దుకాణాలు మూసివేసే సమయంలో ,నిమ్మకాయలు ,గుమ్మడికాయలు & కొబ్బరికాయలు ,మిరపకాయలు ఇంకా రక రకాలుగా దిష్టి తీసి , రోడ్డు మీద అడ్డంగా పడేస్తుంటారు .ఇది ఎంత వరకు సమంజసం . అలా దిష్టి వేసి పడవేసిన వాటిని తొక్కితే అది తొక్కిన వారికి చుట్టుకుంటుందని అంటారు . ఇది మన మూడ నమ్మకాలో , మన దినచార్యతో పాటు వస్తున్న ఆచారాలో తెలియదు కాని , షాపులో దుమ్ము ,దూళినైతే ఊడ్చి చెత్తబుట్టలో వేస్తారు . మరి వీటిని మాత్రం రోడ్డు మీద పడేసి పబ్లిక్ ఎందుకు ఆటంకం కలిగిస్తారు . అవి చెత్త లాగా రోడ్డు కి అంటి పెట్టుకుని ఉంటం మాత్రమే కాకుండా వాటిని చూసిన జనాలకు ఒక చిరాకు ,మానసిక అశాంతిని కలుగ చేస్తుంటాయి .

దయచేసి ఆలోచించండి మిత్రులారా , ఇలా దిష్టి పేరుతో మన పరిసరాలను మనమే అశుభ్రపరుచుకుంటే ఎలా ?అందరూ మన లాంటి వారే , మన తోటి వారే మంచి జరగాలని మీకు మాత్రమే కాదు ,అందరి మంచి కోరుకున్నవారే మహాత్ములు అవుతారు .